[ Pobierz całość w formacie PDF ]

 sto qua; e la man che baso 5
xe quela de la dona
che te sarà dimani
ti pìcia. E cussì noi
in tra quel che xe stado
e quel che sarà semo, 10
persi. Oh, vien su bela,
vien su de sesto e bona.
Letteratura italiana Einaudi 241
Virgilio Giotti - Colori
[CLXV] IN UN GIORNO DE UTUNO
Ti tempo, ti te zoghi con noi pòvari.
Te ne fa alegri c un fià de zeleste
nel ziel de la matina; con do nùvoli
negri, che el vento buta in qua del mar,
con do iozze de piova che vien zo, 5
te ne fa tristi; come i fioi che ridi
par un gnente, che par un gnente i pianzi.
Ti te zoghi coi nostri cuori, tempo,
che no scuro de nùvoli, no luse
de ziei zelesti xe i su mali e beni. 10
Letteratura italiana Einaudi 242
Virgilio Giotti - Colori
[CLXVI] SCAROZZADA
El cùcer cocolava la cavala
co parolete. Andàvimo, nò pian
nò sguelto, nel cales, soto quel ziel
grando, là in mezo de quei pra e campagne,
che tuto in giro i rivava lontan 5
lontan, fina a tocarse con quel ziel.
Vizin de mi, Rina la se godeva,
putela, de menarse. E mi pensavo
ai morti: ai mii de l altro giorno e a quei
là de  na volta, de quela zità, 10
de arente de quel mar dismentigado;
e tera e piante lo scondeva. Rina
la me rideva, pìcia dona viva.
Letteratura italiana Einaudi 243
Virgilio Giotti - Colori
[CLXVII] VECIA MOGLIE
La xe in leto, nel scuro, svea un poco;
e la senti el respiro del marì
che queto dormi, vècio anca lui  desso.
E la pensa: xe bel sintirse arente
 sto respiro de lui, sintir nel scuro 5
ch el xe là, no èsser soli ne la vita.
La pensa: el scuro fa paura; forsi
parchè morir xe andar  n un grando scuro.
 Sto qua la pensa; e la scolta quel quieto
respiro ancora, e no la ga paura 10
nò del scuro, nò de la vita, gnanca
no del morir, quel che a tuti ghe  riva.
Letteratura italiana Einaudi 244
Virgilio Giotti - Colori
[CLXVIII] ZIEL
Nel ziel col sol  ndà via, svola i rondoni
in tondo, in alto in alto, in tanti tanti.
No xe che solo ziel. El monte in basso
e i pra  na strica i xe de ombra. E el ziel
xe bel come che mai mai no  l xe stado. 5
Par mi el xe diventado cussì bel
stassera, ciò che gòderlo mi possi
ancora un poco, in  sto mio poco tempo.
Letteratura italiana Einaudi 245
Virgilio Giotti - Colori
[CLXIX] DAVANTI EL MAR
(A Federico Righi)
Davanti el mar, due, poeti e pitori,
sbandai nel vento crudo che i vistiti
el ghe svèntola, i varda el mar grinzido,
i varda i monti ch i xe in là del mar
lontan, e sora el ziel inuvolado. 5
E ghe sovien de bele antiche stòrie,
e là vìver i vedi ancora quel
che no xe più, che pòlvere xe e ombre.
Sora del mar svodo svola un cocal;
 n una barcheta un pòaro pescador 10
salta su la mareta.
Letteratura italiana Einaudi 246
Virgilio Giotti - Colori
[CLXX] CIARO DE LUNA
Penso a le tue man, fia, che le se movi
pianin; a la tua boca, che un fià ridi.
Oh, se podessi averle! Chi saria
più felize de mi? Come la luna
te son ti, fia, che un nùvolo la scondi, 5
e la vien fora, ècola, slusente;
e el su ciaro el vien zo fina de mi,
el me toca e carezza, cussì bianco.
Ma ela la xe là in alto lontan;
sola la va pal ziel. 10
Letteratura italiana Einaudi 247 [ Pobierz całość w formacie PDF ]